प्रधानमन्त्री र राष्ट्रपतिबीच आकस्मिक भेटघाट
काठमाडौं- प्रधानमन्त्री केपी शर्मा ओली आकस्मिक भेटघाटको लागि शितलनिवास पुगेका छन् ।
राष्ट्रपति विद्यादेवी भण्डारीलाई भेट्न मंगलबार साँझ प्रधानमन्त्री ओली शितलनिवास पुगेको बताइएको छ ।
स्रोतका अनुसार ओली साँझ सात बजे शितलनिवास पुगेका हुन् ।
प्रधानमन्त्री ओलीले पछिल्लो राजनीतिक परिस्थितिमा राष्ट्रपति भेट्न जानुलाई अर्थपूर्णरुपमा हेरिएको छ ।
यसअघि पनि आकस्मिक रूपमा पटकपटक राष्ट्रपति कार्यालय जाने गरेका प्रधानमन्त्री ओलीले फर्केलगत्तै महत्वपुर्ण निर्णय गर्ने गरेका थिए ।