निर्मला हत्याकाण्डबारे प्रधानमन्त्रीले गरे कठोर ट्वीट

प्रधानमन्त्री केपी शर्मा ओलीले कञ्चनपुरकी १४ वर्षीया बालिका निर्मला पन्तको बलात्कार पछि भएको हत्याको विषयमा आफू संवेदनशिल भएको बताएका छन् ।
सोमबार बालुवाटारमा निर्मला पन्तका बाबु–आमालाई निर्मला पन्त आफ्नी पनि छोरी भएकाले न्याय पाउनेमा ढुक्क रहन आग्रह गरेका थिए । प्रधानमन्त्रीलार्इ निर्मलाकी आमाले घटनाको नालीबेली सुनाएपछि आफू पनि चिन्तित भएको र यो भन्दा अगाडि भएका फितला अनुसन्धानको पछि नलाग्न पनि उनले आग्रह गरे । उनले निर्मलाका हत्यारा पत्ता लगाउन बनेको नयाँ समितिले हत्यारा पत्ता लगाउने बताए ।

उनीहलाई भेटेपछि सामाजिक सञ्जालमा ट्विट गर्दै उनले हत्यामा संलग्न व्यक्ति जतिसुकै बलियो र जुनसुकै ओहोदाको भए पनि नछाड्ने चेतावनी दिएका छन् ।

उनले भनेका छन्, ‘म पनि निर्मलाको अभिभावक हुँ । यस्तो पाशविक हत्यामा संलग्न व्यक्ति जतिसुकै बलियो र जुनसुकै ओहोदाको भए पनि छोडिंदैन ।प्रारम्भिक छानविनमा भएको कमजोरीका कारण अपराधी पत्ता लगाउन केहि समय लागे पनि अपराधी पत्ता लगाई कडा कारवाही गरिनेछ ।’