नेपाल प्रेस युनियन लम्की शाखाको चौथो अधिबेशन सम्पन्न ,अध्यक्षमा न्यौपाने

लोकेन्द्र रावल / टीकापुर ।

नेपाल प्रेस युनियन लम्की शाखा कैलालीको चौथो अधिबेशन सम्पन्न भएको छ । अधिबेशन उद्घाटन गर्दै प्रमुख प्रतिपक्षी दल नेपाली कांग्रेस सुदूरपश्चिमका नेता तथा प्रदेश सांसद डाक्टर रणबहादुर रावलले सरकारले गरेका गलत कार्यका पत्रकारले उजागर गर्न जरुरी रहेको बताउनु भयो ।

नेता रावलले संघीय सरकारले जनतासंग सपना बाड्ने काम मात्रै गरेको बताउंदै सरकार न्याय दिनुको सट्टा अपराधी उम्काउन लागि परेको बताउनुभयो । नेता रावलले भन्नुभयो ‘महंगाई र कर पनि धान्न नसकिने गरी बढाएको छ । सिमा मिचिएको ठाउंमा बोल्न सक्दैन । यही तवरले देश चलेमा यो सरकार धेरै दिन टिक्न सक्ने अवस्था छैन ।’

कार्यक्रममा नेपाल प्रेस युनियनका केन्द्रिय अध्यक्ष बद्रि सिग्देलले प्रेस युनियनका ५४ जिल्ला शाखाको अधिबेशन सकिएको बताउँदै ५० जिल्लामा निर्विरोध नेतृत्व चयन भएको बताउनुभयो । सिग्देलले आफूले फागुन १५ गतेभित्र प्रदेशको महाधिबेशन सक्ने तयारी गरेको बताउंदै अबको एकडेढ महिनामा केन्द्रीय अधिबेशन गर्ने जानकारी दिनुभयो ।

कार्यक्रममा प्रदेश सांसद उमादेवी वादीले पत्रकार र आफ्नो सम्बन्ध नङ र मासु जस्तै भएको बताउनु भयो ।
कार्यक्रममा बरिष्ठ पत्रकार मनमोहन स्वांर, केन्द्रीय सदस्य टेकबहादुर सार्की, केन्द्रीय प्रतिनिधि विनयराज अधिकारी, पत्रकार महासंघका पूर्व केन्द्रीय सदस्य कर्ण शाह, नेपाली कांग्रेसका क्षेत्रीय सभापति भुवनेश्वर अधिकारी, प्रेस युनियनका केन्द्रीय सदस्य जगत साउंद, पत्रकार महासंघका महा सचिव योगेश रावल, पत्रकार महासंघका केन्द्रीय पार्षद् गणेश चौधरी, नेपाली कांग्रेसका जिल्ला सभापति नवराज रावल, युनियन लम्की टीकापुर
शाखाका संस्थापक अध्यक्ष रंग तिमिल्सिना लगायतले बोल्नु भएको थियो ।

लम्की टीकापुर शाखाका अध्यक्ष डम्बर बमको अध्यक्षतामा भएको कार्यक्रममा स्वागत दुर्गा देवकोटाले गर्नुभएको थियो भने संचालन पूर्ण थापाले गर्नुभएको थियो ।

प्रेस युनियन लम्की शाखाको अध्यक्षमा न्यौपाने

चौथो अधिवेशनमा प्रेस युनियन लम्की शाखाको अध्यक्षमा देवानन्द न्यौपाने चयन भएका छन् । न्यौपानेको अध्यक्षतामा १३ सदस्यीय कमिटी चयन गरेको छ । उपाध्यक्षमा रतनलाल चौधरी, महिला उपाध्यक्षमा सृजना भण्डारी, सचिवमा नेत्रप्रसाद जैशी, सह सचिवमा अनिला चौधरी, कोषाध्यक्षमा विरेन्द्र शाहलाई चयन गरेको छ । भने सदस्यहरुमा गणेश क्षेत्री, गोबिन्द बीसी, हिक्मत उपाध्याय, समिक्क्षा भूल, सुनिता परियार, शेयर वहादुर चौधरी र तुल्सी संज्याल रहनु भएको छ ।

चौथो अधिवेशनले ११ सदस्यीय केन्द्रीय र १५ जना प्रदेश पार्षद समेत चयन गरेको छ ।