नेपाल पर्यटन पत्रकार महासंघ कैलालीको प्रथम जिल्ला अधिवेशन सम्पन्न, अध्यक्षमा चौधरी

हिमाल पोस्ट / कैलाली ।
नेपाल पर्यटन पत्रकार महासंघ कैलालीको प्रथम जिल्ला अधिवेशन सम्पन्न भएको छ । प्रथम जिल्ला अधिवेशनबाट भिम चौधरीको अध्यक्षतामा नयाँ कार्य समिती चयन गरिएको छ ।

शनिबार धनगढीमा सम्पन्न भएको प्रथम जिल्ला अधिवेशनबाट चौधरीको अध्यक्षमा निर्विरोध नयाँ कार्य समिति चयन गरिएको हो । समितिको वरिष्ठ उपाध्यक्षमा रन्जित लामा र महिला उपाध्यक्षमा ईन्द्रा के.सी. चयन भएका छन् भने सचिवमा शेरबहादुर ऐर, सह–सचिवमा कैलाश जोशी र विवेक नागरी तथा कोषाध्यक्षमा सबिता बूढा रहेका छन् ।

त्यस्तै समितिको सदस्यहरुमा हेमराज भट्ट, संगीता खड्का, प्रिन्स बिक, नरेन्द्र चौधरी, घनश्याम पौडेल र तेज बोहोरा चयन भएका छन् ।

यसअघि तदर्थ समितिका अध्यक्ष भिमबहादुर चौधरीको अध्यक्षतामा भएको उद्घाटन समारोहमा नेपाल पर्यटन पत्रकार महासंघका केन्द्रीय वरिष्ठ उपाध्यक्ष बसन्तप्रताप सिंह, प्रदेश अध्यक्ष अम्मर भट्टराई, बरिष्ठ पत्रकार मनमोहन स्वाँर, नेपाल पत्रकार महासंघका निवर्तमान अध्यक्ष भरत शाह, नेपाल पत्रकार महासंघ कैलालीका कोषाध्यक्ष हिमाल जोशी, प्रदेश सदस्य मुकेश टेर्रा, नेपाल प्रेस युनियनका कैलाली अध्यक्ष श्रवण देउवा, नेपाल आदिबासी जनजाती पत्रकार महासंघका कैलाली अध्यक्ष लखन चौधरी, क्रान्तिकारी पत्रकार संगठनका केन्द्रीय सचिव उन्नती चौधरी लगायतले शुभकामना मन्तव्य राखेका थिए ।