नेपाल आइडल सिजन–२ को बिजेता बने सुदूरपश्चिमका रवि ओड

कैलाली । नेपाल आइडल सिजन–२ को उपाधी सुदूरपश्चिमका रवि ओडले जितेका छन् । शुक्रबार साँझ भएको ग्रान्ड फिनालेमा रवी ओड नेपाल आइडल सिजन २ का विजेता बनेका हुन्। विजेता बने सङ्गै रवीले होन्डा गाडी र नगद २२ लाख रुपैयाँ प्राप्त गरकेा छन् ।

ललितपुरको पुल्चोकमा भएको ग्रान्ड फिनालेमा पोखराका विक्रम बराल फर्स्ट रनरअप बनेका छन् । उनले २० लाख रुपैयाँ प्राप्त गरेका छन् भने झापाका सुमित पाठक सेकेन्ड रनरअप बनेका छन् । सुमितले १२ लाख बराबरको चेक प्राप्त गरेका छन् ।

त्यस्तै नेपाल आइडलको फाइनलिस्टमा पुग्ने झापाकै एकमात्र महिला प्रतिस्पर्धी अस्मिता अधिकारी चौथो स्थानमा चित्त बुझाउन बाध्य भइन् । उनले स्कुटर प्राप्त गरेकी छन् ।