भारतले नेपालको अन्डर–१९ क्रिकेट टिमलाई सिरिज खेल्न बोलायो

काठमाडौं । चार टोली समावेश हुने अन्डर–१९ एकदिवसीय क्रिकेछ सिरिजको लागि नेपाली टोलीलाई भारतले आमन्त्रण गरेको छ । भारतले दुई घरेलु टोली र अफगानिस्तान सम्मिलित एकदिवसीय सिरिजको लागि नेपाललाई प्रस्ताब गरेको हो ।

सेप्टेम्बरमा कोलकातामा हुने खेलमा नेपाली टोलीले भने सहभागिताको बारेमा केही जानकारी गराएको छैन । नेपालको सहभागीता हुने या नहुने भन्नेमा छलफल जारी छ ।

यदी उक्त सिरिजमा नेपालले सहभागिता जनाए नेपालसहित भारतको यू–१९ टोली, भारतकै नेसनल क्रिकेट एकेडमी (एनसीए) र अफगानीस्तानको यू–१९ टोलीले प्रतिस्पर्धा गर्ने छ । भारतले यो सिरिजको खेल तालिका समेत सार्वजनिक गरेको छ ।

नेपाल अहिले अन्तर्राष्ट्रिय क्रिकेट परिषद (आईसिसी) को अनुमति कुरेर बसेको छ । आईसिसीले मान्यता प्रदान गरे नेपालले सेप्टेम्बर ९ देखि २० सम्म आयोजना हुने सिरिज खेल्ने छ ।