नौ थान बन्दुक सहित दुई जना पक्राउ

जाजरकोट । प्रहरीले ९ थान बन्दुकसहित २ जनालाई पक्राउ गरेको छ । जुनीचाँदे गाउँपालिका–११, कोर्ताङका चन्द्रबहादुर शाही र उनका छोरा नेत्रबहादुर पक्राउ परेका हुन् ।

प्रहरीले उनीहरूको घरबाट ३ थान एकनाले भरुवा बन्दुक, १ थान दुईनाले भरुवा बन्दुक, २ थान बाह्रबोर, ३ थान एयर गन, ३१ राउन्ड गोली र विभिन्न विस्फोटक पदार्थ बरामद गरेको प्रहरी नायब उपरीक्षक (डीएसपी) भावेश रिमालले बताए । शाहीको घरमा बन्दुकलगायत हातहतियार लुकाई छिपाई राखेको भन्ने गोप्य सूचनाका आधारमा खानतलासी गर्दा बन्दुक, गोली र विस्फोटक पदार्थसहित जंगली जनावरका छाला तथा अंग फेला परेको रिमालले बताए । उनीहरू दुवैलाई हातहतियार तथा खरखजाना अन्तर्गतको मुद्दा चलाउनेतयारी गरेको डीएसपीरिमालले बताए । कान्तिपुर बाट  / फाइल तस्बिर :