नारायणी नदीमा डुङ्गा पल्टिँदा बालक बेपत्ता

नवलपरासी,  – नारायणी नदीमा डुङ्गा पल्टिँदा सुस्ताका एक बालक बेपत्ता छन् । पश्चिम नवलपरासी सुस्ता गाउँपालिका –५ पक्लिहवा रतनगंजका कैलाश धोबीका छोरा १५ वर्षीय अनुप धोबी बेपत्ता भएका हुन् ।

शनिबार साथीहरूसँग नारायणी नदी पारी गएर फर्कने क्रममा नारायणी नदीको ठोक्कर नम्बर ३ मा डुङ्गा अनियन्त्रित भइ पल्टिँदा धोबी बेपत्ता भएका हुन् ।

धोबीसँगै गएका उनका दुई साथीहरू भने पौडेर ज्यान बचाउन सफल भएका छन् । बेपत्ता भएका अनुप धोबीको खोजी कार्य भैरहेको सुस्ता प्रहरीले जनाएको छ ।