मोटरसाईकलको ठक्करबाट कञ्चनपुरमा एक जनाको मृत्यु 

कञ्चनपुर । कञ्चनपुरमा मोटरसाईकलको ठक्करबाट एक जनाको मृत्यु भएको छ । धनगढीबाट महेन्द्रनगर तर्फ जाँदै गरेको बा ३४ प ८६४१ नम्वरको मोटरसाईकलको ठक्करले भीमदत्त नगरपालिका ३ बस्ने ६७ बर्षिय रामसिंंह कुँवरको मृत्यु भएको हो ।

ठक्करबाट घाईते भएका कुँवरलाई महाकाली अञ्चल अस्पतालले थप उपचारका लागि कोहलपुर पठाएपछि कोहलपुरमा कुँवरको मृत्यु भएको हो । भीमदत्त नगरपालिका वडा नम्वर ४ भासी पुल नजिक मोटरसाईकलले पैदल यात्री कुँवरलाई ठक्कर दिएको हो।

मोटरसाईकल प्रहरीको नियन्त्रणमा छ भने चालक धनगढी उप–महानगरपालिका वडा नम्वर ६ का ५२ बर्षिय नैनवेद शर्माको सेती अञ्चल अस्पतालमा उपचार भईरहेको छ।