मोटरसाइकल दुर्घटना हुँदा दुई जनाको मृत्यु

कञ्चनपुर । कञ्चनपुरमा मोटरसाइकल दुर्घटना हुँदा दुई जनाको मृत्यु भएको छ । जिल्लाको भीमदत्त नगरपालिका- ७ हल्दुखालमा गए राती म १ प ९५८५ नम्बरको मोटरसाइकल दुर्घटनामा परी सोही ठाउँका दिनेश चन्द र सुरज धामीको मृत्यु भएको जिल्ला प्रहरी कार्यालय कञ्चनपुरले जानकारी दिएको छ ।

विवाहमा जन्ती गएका दुवै जनाले फर्किने क्रममा अत्यधिक मात्रामा मदिरा सेवन गरी तीब्र गतिमा मोटरसाइकल चलाउदा दुर्घटना भएको जिल्ला प्रहरी कार्यालय कञ्चनपुरले जनाएको छ ।

घाइते दुवै जना मध्ये दिनेश चन्दको धनगढीस्थित माया मेट्रो अस्पतालमा उपचारको क्रममा मृत्यु भएको थियो भने सुरज धामीको महेन्द्रनगर स्थित महाकाली अस्पतालमा मृत्यु भएको प्रहरीले जनाइएको छ । घटनाबारे थप अनुसन्धान भइरहेको प्रहरीले जनाएको छ ।