मोटरसाइकल बिजुलीको पोलमा ठोक्किँदा एकजनाको मृत्यु

नेपालगञ्ज – बाँकेमा मोटरसाइकल दुर्घटना हुँदा एकजनाको मृत्यु भएको छ । अर्का गम्भीर घाइते भएका छन् ।

नेपालगञ्ज–२०, राँझाचोकमा गएराती भे ५ प २३९१ नम्बरको मोटरसाइकल बिजुलीको पोलमा ठोक्किँदा कोहलपुर–१५ का जीवन चौधरीको मृत्यु भएको हो । मोटरसाइकलमा रहेका सोही ठाउँका दिपेन्द्र थारु गम्भीर घाइते भएका छन् । घाइतेको नेपालगञ्जस्थित नर्सिङहोममा उपचार भइरहेको छ ।

आइतबार राति साढे ११ बजेतिर राँझास्थित आर्मी ब्यारेक नजिकको चोकमा मोटरसाइकल दुर्घटनामा परेको थियो । कोहलपुरका व्यक्ति अबेर राती राँझामा किन आएका थिए भन्ने खुल्न सकेको छैन ।