टीकापुरमा १६ वर्षीया पूजा मृतअवस्थामा फेला

कैलाली । टीकापुर नगरपालिका– १ ब्लक नम्बर १६ मा १६ वर्षीया पूजा थापा मृत अवस्थामा भेटिएकी छन् । मावली घरमा बज्यैसँगै बस्दै अाएकी पूजा कक्षा १२ मा अध्ययनरत थिइन्र । उनी बिहीबार टीकापुरको ब्लक नम्बर १२ मा हजुरआमालाई भेटन गएकी थिइन् ।

उनी बस्ने घरदेखि करिब दुई सय मिटर उत्तरतर्फ रहेको एक निर्माणाधीन घरको नजिकै खुल्ला चौरमा शव रहेको र किशोरीको मोबाइल, ज्याकेट, चप्पल घरभित्र भेटिएको इलाका प्रहरी कार्यालय टीकापुरका प्रमुख प्रहरी नायव उपरीक्षक शिवबहादुर सिंहले बताउनुभयो ।

मृतकका बुवा हर्कबहादुर थापा र आमा कामको शिलशिलामा भारतमा रहको आफन्तले बताएका छन् । घटनाको बारेमा थप अनुसन्धान भइरहेको डिएसपी सिंहले बताउनुभयो ।