मैले मेयर जितिसकें, अब काठमाडौंमा दलित भन्ने कोही रहन्न: केशव स्थापित

काठमाडौं । नेकपा एमालेका तर्फबाट काठमाडौं महानगरपालिकाका मेयर पदका उमेदवार केशव स्थापितले अब आफूलाई मेयर बनेको जस्तो लागेको बताएका छन् ।

आइतबार मजदुर दिवसका अवसरमा भृकुटीमण्डपमा आयोजित कार्यक्रममा उनले भने,“अब त मेयर भएँ भएँ जस्तो लाग्यो । जिते–जिते जस्तो लाग्यो । तीनवटा कलम लिएर हिँडेको छु । एउटा कलम मजदुरहरुका लागि ।”

कार्यक्रममा उनले नयाँ चेतना भएका मान्छेलाई गाँसेर नयाँ महानगर बनाउने बताए ।

अबको १० वर्षमा दलित भन्ने काठमाडौंमा नरहने उनको भनाइ छ । “शिक्षाका कुरा गर्दा अहिलेसम्म हेपिएका दलित भन्नेहरुलाई १० वर्षमा दलित सक्यो । जम्मै ललित हुन्छ । कहाँ हामीले दलित राख्न सक्छौँ ? अरु ठाउँमा रहला तर काठमाडौं उपत्यकामा रहँदैन,” उनले भने ।