घोडाघोडी मेयर कप : वडा नं १० र वडा नं ५ विजयी
विशाल पाण्डेय / सुखड,कैलाली ।
मंगलबारदेखि सुरु भएको दोस्रो संस्करण प्रथम घोडाघोडी मेयर कपमा शुक्रबार २ खेल सम्पन्न भएका छन् ।
पहिलो खेलमा घोडाघोडी नगरपालिका वडा नं १० विजयी भएको छ । वडा नं ८ लाई शुन्यका विरुद्ध एक (०-१) गोलले पराजित गर्दै वडा नं १० विजयी भएको हो । जितका लागि वडा नं १० को तर्फबाट रोहित चौधरीले ४२ औं मिनेटमा गोल गरेका थिए ।
त्यस्तै शुक्रबार नै भएको दोस्रो खेलमा वडा नं ५ विजयी भएको छ । वडा नं ५ ले वडा नं १२ लाई शून्यका विरुद्ध ६ गोलले (०-६) पराजित गर्दै जित आफ्नो पोल्टामा पारेको हो ।
“स्वास्थ्यका लागि खेलकुद राष्ट्रका लागि खेलकुद ” भन्ने मुल नाराका साथ नगर खेलकुद बिकास समितिको आयोजनामा घोडाघोडी नगरपाालिका- ३ जुरपानिमा प्रतियोगिता संचालन भइरहेको छ ।
प्रतियोगितामा प्रथम हुने पुरुष तर्फको टिमलाइ नगद रु १ लाख १ रुपैयाका साथै शिल्ड,मेडल र प्रमाण पत्र प्रदान गरीने छ भने दोस्रो पुरस्कार नगर ७५ हजार सहित शिल्ड,मेडल र प्रमाण पत्र रहेको आयोजकले जनाएको छ । त्यसैगरी महिला तर्फको प्रथम र दृतिय हुने टिमलाइ नगद सहित शिल्ड ,मेडल र प्रमाण पत्र पुरस्कार रहेको छ ।
त्यस्तै प्रतियोगिता अन्तरगत शनिबार ३ खेल हुने भएका छन् । शुक्रबार हुने महिला तर्फको पहिलो खेलमा वडा नं ४ र वडा नं १२ बिच प्रतिस्पर्धा हुने भएको छ भने दोस्रो खेलमा महिला तर्फको वडा नं १० र वडा नं ३ बिच खेल हुने भएको छ । यस्तै शनिबार नै हुने अन्तिम खेलमा पुरुष तर्फको वडा नं १० का विरुद्ध वडा नं ११ ले प्रतिस्पर्धा गर्ने आयोजकले जनाएको छ । खेलमा पुरुष १२ र महिला ४ गरि १६ टिमको सहभागिता रहेको छ
