एम्बाप्पेले यसरी पाए जर्सी नम्बर ७

विश्वका उत्कृष्ट युवा खेलाडी केलियन एम्बाप्पेले ७ नम्बरको जर्सी पाएका छन् । उनलाई पिएसजीले ७ नम्बरको जर्सी प्रदान गरेको हो ।

फ्रेञ्च क्लब पेरिस सेन्ट जर्मेन (पिएसजी) मा गत सिजनदेखि आवद्ध भएका एम्बाप्पेले सुरूमा २९ नम्बरको जर्सी पाएका थिए । रूसमा हालै सम्पन्न २१औं संस्करणको फिफा विश्वकपमा उत्कृष्ट प्रदर्शन गरेपछि क्लबले उनलाई ७ नम्बरको जर्सी दिएको हो ।

यसअघि पिएसजी क्लबमा ७ नम्बरको जर्सी ब्राजिलका मिडफिल्डर लुकास मोउराले लगाउने गरेका थिए । १९ वर्षीय एम्बाप्पे पोर्चुगिज स्ट्राइकर क्रिष्टियानो रोनाल्डोका ‘फ्यान’ भएकाले पनि उनी ७ नम्बर जर्सी लगाउने चाहाना राखेका थिए । रोनाल्डो पनि ७ नम्बर जर्सीमा उत्रिने गर्छन ।