माओवादी केन्द्रको स्थायी कमिटी बैठक बस्दै: यस्ता छन् एजेण्डा
काठमाडौं- नेकपा (माओवादी केन्द्र)को स्थायी कमिटी बैठक बिहिबारलाई डाकिएको छ । पार्टी कार्यालय पेरिसडाँडामा बिहान ११ बजेका लागि बैठक बोलाइएको छ ।
विविध बिषयमा छलफल हुने भएपनि आजको बैठक कोभिड नियन्त्रणबारे केन्द्रित हुने एक स्थायी कमिटी सदस्यले बताए ।
माओवादी अध्यक्ष पुष्पकमल ‘प्रचण्ड’ले कोभिड–१९ का विषयमा विज्ञ एवं चिकित्सकहरुसँग बुधबार परामर्श गरेका थिए ।
उक्त छलफलका क्रममा आएका सल्लाह एवं सुझावसहित आज बस्ने बैठकबाट योजना र कार्यक्रमहरु घोषणा गर्ने तयारी रहेको बताइएको छ ।