शिक्षा मन्त्रीको गाडी दुर्घटना
काठमाडौं/शिक्षा मन्त्री गिरिराजमणि पोखरेलेको गाडीलाई टिप्परले ठक्कर दिएको छ । ठक्करबाट गाडीको अगाडिको भाग क्षतिग्रस्त बनेको छ ।
मंगलवार बिपी राजमार्ग हुँदै महोत्तरीको बर्दिवास जान लागेको बा २ झ ३३९७ नम्बरको मनत्रीको गाडीलाई बा ४ ख ९४८६ नम्बरको टिप्परले ठक्कर दिँदा मन्त्री पोखरेल चढ्ने गाडीका चालक सामान्य घाइते भएका छन् । टिप्परको ठक्रबाट गाडीको अगाडिको भाग पूर्ण रुपमा क्षतिग्रस्त भएको छ ।
विद्यालय भर्ना अभियानसम्बन्धी कार्यक्रममा सहभागी हुन शिक्षामन्त्री पोखरेल गृहजिल्ला जान लागेकाले खाली गाडी बिपी राजमार्ग हुँदै बर्दिवास जाँदै थियो । मन्त्री भने प्लेनमार्फत् गृहजिल्ला गएकाले दुर्घटनाबाट जोगिए ।
जिल्ला प्रहरी कार्यालयका प्रमुख प्रहरी उपरीक्षक (एसपी) सहकुल थापाले मन्त्रीको गाडीलाई ठक्कर दिने टिप्पर र चालकलाई नियन्त्रणमा लिइएको बताए ।