मनोमानी तरिकाले विद्यालय समायोजन र तह घटाउने निर्णय गरेको भन्दै काँग्रेसले बुझायो ज्ञापन पत्र
विशाल पाण्डेय / सुखड ,कैलाली ।
घोडाघोडी नगरपालिकाले मनोमानी तरिकाले विद्यालय समायोजन तथा तह घटनाउँने निर्णय गरेको भन्दै नेपाली काँग्रेस क्षेत्र नम्बर ३ ले घोडाघोडी नगरपालिकाका नगर प्रमुख ममता प्रसाद चौधरीलाई बिहीबार ज्ञापन पत्र बुझाएको छ ।
घोडाघोडी नगरपालिकामा रहेका विद्यालयहरूको समायोजन तथा तह घटनाउँने नगरपालिकाको निर्णयको विरोध गदै नेपाली काँग्रेस क्षेत्र नं ३ ले ७ वुदे ज्ञापन पत्र सहित ध्यानाकर्षण गरेको हो ।
ज्ञापन पत्रमा, ‘ घोडाघोडी नगरपालिकाले विभिन्न मितिमा विद्यालयहरूको समायोजन तथा तह घटनाउँने प्रति नेपाली काँग्रेसको गम्भीर ध्यानाकर्षण रहेको उल्लेख गरिएको छ । आधुनिक सभ्य समाजमा शिक्षाको उन्नति र विकास गर्नुको सट्टा प्रजातान्त्रिक शासन कालको सबैभन्दा कालो धब्बा लाग्ने गरी विद्यालय समायोजन गरिएको समेत उल्लेख छ ।
साथै जनचाहना र जनभावना लाई बेवास्ता गरी मनोमानी तरिकाले गरिएको समायोजन र तह घटाउने निर्णय फेरबदल नभए कडा भन्दा कडा आन्दोलन गर्ने र त्यस बेला निस्केको परिमाणको जिम्मेवारी नगरपालिकाले लिनुपर्ने समेत ज्ञापन पत्रमा उल्लेख गर्दै नेपाली काँग्रेस क्षेत्र नं ३ कैलालीका सभापति खेमराज चौधरीद्धारा हस्ताक्षर ज्ञापन पत्र नगर प्रमुख चौधरी लाई बुझाइएको थियो ।
ज्ञापन पत्र बुझ्दै घोडाघोडी नगरपालिकाका प्रमुख ममता प्रसाद चौधरीले ‘ विद्यालय मिलान र तह घटाउनु भनेको शिक्षामा गुणस्तर ल्याउनु भएको बताएका छन् । चौधरीले सामुदायिक विद्यालय मात्रै नभई निजी विद्यालय लाई पनि नियमन गरिने बताएका छन् ।
केही दिन अघि पनि घोडाघोडी नगरपालिकाका नगर प्रमुखले सार्वजनिक महत्त्वका विषयमा एकलौटी ढङ्गले निर्णय गरिरहेको भन्दै नेविसंघ घोडाघोडी नगर समितिले समेत विज्ञप्ति जारिगरि आपत्ति जनाएको थियो ।
ज्ञापनपत्रमा उल्लेख गरिएका बुदाहरु :
१. विद्यालय समायोजन गर्दा नगरको विधान विपरीत गरिएको ।
२. विभेदपुर्ण तथा अन्यायपूर्ण तरिकाले समायोजन गरिएको ।
३. सम्बन्धित अभिभावक तथा सरोकारवालालाई बेवास्ता गरी विद्यालय समाप्त गरिएको ।
४.प्रभावपूर्ण तरिकाले नारको विधान अनुसार समायोजन मा पर्ने विद्यालय लाई पनि समायोजन नगरिएको ।
५ दर्जनौँ दर्जन शिक्षकहरूको रोजि रोटी समाप्त गरिएको ।
६. भौगोलिक दुरीको ख्याल नगरी स–साना बालबालिकाहरूलाई शिक्षाको उज्यालोबाट बन्चित गर्न खोजिएको ।
७. जनसङ्ख्याको बढ्दो क्रमलाई बेवास्ता गरी मनोमानी तरिकाले विद्यालय समाप्त गरिएको ।