म्यानचेस्टर युनाइटेडमाथि आर्सनलको सानदार जित

एजेन्सी– प्रिमियर लिगमा आइतबार आर्सनललाई २–१ ले पराजित गर्दै म्यानचेस्टर युनाइटेड विजयी भएको छ । युनाइटेडलाई जिताउन पाउल पोग्वा र मराउने फेलानीले गोल गरे ।

पोग्वाले १६ औं मिनेटमा गोल गर्दै युनाइटेडलाई अग्रता दिलाए पनि दोस्रो हाफको छैटौं मिनेटमा युनाइटेडकै पूर्व खेलाडी हेरिक मखाटेरियनले आर्सनलका लागि बराबरी गोल फर्काए ।

खेलको इन्जुरी समयमा मराउने फेलानीले गोल गरेपछि युनाइटेड विजयी भएको हो । जितपछि ७७ अंकसहित दोस्रो स्थानको युनाइटेडले लिभरपुलमाथि ५ अंकको स्पष्ट अग्रता लिएको छ । आर्सनल छैटौं स्थानमा छ ।

शीर्ष स्थानको म्यानचेस्टर सिटीले यो पटक प्रिमियर लिग उपाधि पक्का गरिसकेको छ ।

आइतबार नै म्यानचेस्टर सिटीले वेस्टह्यामलाई ४–१ ले हराएको छ । सिटीको जितमा लेरोय राने, गाब्रियल जिसस र फेर्नाडिन्होले गोल गरे । थप एक गोल आत्माघाति उपहार पाएको थियो । वेस्टह्यामका लागि आरोन क्रेसवेलले सान्तवना गोल फर्काए ।

खेल बाँकी हुँदै उपाधि जितिसकेको सिटीको ९३ अंक भएको छ । लिभरपुलको ७२ अंक सहित तेश्रो स्थानमा छ ।