मलाई प्रधानमन्त्री हुने कुनै लोभ छैन :प्रचण्ड
काठमाडौँ। नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले आफूलाई प्रधानमन्त्री हुने कुनै लोभ नभएको बताउनुभएको छ ।
आइतबार राजधानीमा आयोजित वाम गठबन्धनको संयुक्त पत्रकार सम्मेलनमा बोल्दै प्रचण्डले आफू यसअघि प्रधानमन्त्री भइसकेको र सजिलै पद छाडेको व्यक्ति भएकाले फेरि पनि प्रधानमन्त्री हुने कुनै लोभ नरहेको स्पष्ट पार्नुभयो ।
पार्टी एकता भए पछि दुई नेतामध्ये को अध्यक्ष र को प्रधानमन्त्री बन्ने ? भन्ने प्रश्नमा प्रचण्डले भन्नुभयो- ‘हामी दुवैजना अध्यक्ष रहेकाले अध्यक्ष हुने लोभ त छैन नै । हामी दुवैजना प्रधानमन्त्री भइसकेका व्यक्ति पनि हौँ । र सजिलै प्रधानमन्त्री पद छाडेका पनि हौँ ।’