लुम्विनी प्रदेशमा पनि ‘फ्लोर क्रस’को तयारी
काठमाडौ- कर्णाली प्रदेशमा एमालेका सांसदले फ्लोर क्रस गरि मुख्यमन्त्री महेन्द्रबहादुर शाहीलाई विश्वासको मत दिएपछि यसको प्रभाव लुम्विनी प्रदेशमा पनि देखिने भएको छ ।
ओली समूहबाट रुष्ट माधव/झलनाथ समुहका सांसदले मुख्यमन्त्री शंखर पोख्रेलविरुद्ध अविश्वासको प्रस्तावमा हस्ताक्षर गर्ने सम्भावना समेत देखिएको हो ।
४१ मत सहित संसदमा अल्पमतमा देखिएका मुख्यमन्त्री पोखरेलविरुद्ध प्रदेशमा आविश्वासको प्रस्ताव दर्ता गर्ने तयारी माओवादी, कांग्रेस लगायतका दलहरुले गरिरहेका छन् ।
४२ मतले अविश्वासको प्रस्तावको तयारी गरिएको लुम्बिनी प्रदेशमा अविश्वासको प्रस्ताव पारित गर्न १ मत आवश्यक छ ।
कांग्रेसको १९, माओवादी केन्द्रका १७, जसपाका ५ र राजमोका १ सांसदले मुख्यमन्त्रीविरुद्ध जाने रणनीति बनाइसकेका छन् ।
जसपाको अनिर्णित एक मत मात्रै अविश्वासको प्रस्तावका पक्षमा नआए मात्रै एमालेको नेपाल/खनाल समुहको फ्लोर क्रस आवश्यक पर्नेछ । यो समुहले सुरुमा माओवादी, कांग्रेस, जसपा र राजपाको भुमिका हेर्ने छ ।
मुख्यमन्त्री पोखरेलबिरुद्ध उनीहरुबाटै बहुमत पुग्ने अवस्था भए फ्लोर क्रस नगर्ने अन्यथा फ्लोर क्रस गर्ने माधव/झलनाथ समूहको तयारी छ ।