लायन्स तथा लियोको संयुक्त पद हस्तान्तरण

बिशाल पाण्डेय / बुटवल ।
बुटवलका दुईवटा लायन्स र चारवटा लियोहरुको संयुक्त रुपमा पद हस्तान्तरण कार्यक्रम बुधबार बुटवलको मिलन चोक स्थित दियालो फुडल्याण्डमा सम्पन्न भएको छ ।

बुटवल तथा आसपासका क्षेत्रमा विभिन्न किसिमका सामाजिक कार्यहरु गर्दै आइरहेको लायन्स क्लब बुटवल खस्यौली , लायन्स क्लब अफ बटौली , लियो क्लब अफ बुटवल खस्यौली , लियो क्लब अफ बुटवल खस्यौली युथ , लियो क्लब अफ सैनामैना र लियो क्लब अफ लर्ड बुद्धको संयुक्त रूपमा पद हस्तान्तरण कार्यक्रम गरिएको थियो ।

लायन्स क्लब अफ बुटवल खस्यौलीका अध्यक्ष लायन पप्पु कुमार गुप्ताको सभापतित्वमा सम्पन्न भएको कार्यक्रममा लायन्स डिस्ट्रीक गभर्नर (एम जे एफ) लायन सुनिल ओझा प्रमुख अथिती रहनु भएको थियो ।

पद हस्तान्तरण कार्यक्रममा बर्ष २०१८/०१९ का क्लब अध्यक्षहरुद्बारा आ-आफ्नो क्लबले गर्ने वार्षिक कार्यक्रमहरु प्रस्तुत गरिएको थियो ।