लियो खस्यौली युथको अध्यक्षमा भट्टराई (फोटो फिचर )

बिशाल पाण्डेय ।।
लियो क्लव अफ बुटवल खस्यौली युथको लियो वर्ष २०१८/०१९ का लागि दिपेन्द्र भट्टराईको अध्यक्षतामा नयाँ कार्य समिति निर्बिरोध निर्वाचित गर्दै पाचौं अधिवेशन शनिबार सम्पन्न भएको छ ।

निर्बिरोध निर्वाचित भएको समितिको प्रथम उपाध्यक्षमा राजिब जंग कुवर भएका छन भने लायन्स अन्तराष्ट्रियको विद्यान बमोजीम सचिव र कोषाध्यक्ष पदमा अध्यक्षले मनोनित गर्ने हुँदा सचिवमा होम नाथ सापकोटा (सुमित) र कोषाध्यक्षमा सुदिप अधिकारी मनोनित भएका छन् ।

लियो क्लव अफ बुटवल खस्यौली युथका उपाध्यक्ष राजिब जंग कुवरको अध्यक्षतामा सम्पन्न भएको कार्यक्रमको प्रमुख अतिथी लियो जिल्ला परिषद ३२५ बि २ का सचिब लियो सरोज कंडेल रहेका थिए । त्यस्तै लियो खस्यौली युथका निबर्तमान अध्यक्ष र लियो रिजन ८ का कोडिनेटर तथा निर्वाचन अधिकृत सुदिप बेलबासे , अध्यक्ष सल्लाहकार लियो शितल ज्ञवाली तथा संस्थापक अध्यक्ष रमेश अर्याल लगायतले बोल्दै नवनिवार्चित कार्य समितिका पदाधीकारीलाई बधाइ तथा शुभकामना दिएका थिए ।

लियो वर्ष २०१७/०१८ का तृतिय उपाध्यक्ष ज्योती सारुको स्वागत मन्तव्य सङ्गै सुरु भएको कार्यक्रमको संचालन २०१७/०१८ का सचिब विजय पन्तले गरेका थिए ।