२०७५ भदौ ४, सोमवार

लघुकथा – रातो साडी

January 23, 2018
514 Views
Spread the love
  • 283
    Shares

-राजन पनेरू

गोथे सानो छँदा आमाले सोध्थिन्, “बाबू ! तँ ठूलो भएपछि मलाई के किनिदिन्छस् ?”
उसले लाडिएको आवाजमा भन्थ्यो, “म रातो साडी किनिदिन्छु आमा ।”
“मलाईचाहिँ के किन्दिन्छस् त ?” बाबुले सोध्थे ।
“इस्टकोट किनिदिन्छु बा ।”

गोथे ठूलो भएपछि धन कमाउन विदेश जाने भयो ।
विदेश जाने बेलामा गोथेले भन्यो, “बाआमा म दुई वर्षपछि आउँछु । कम्पनी राम्रो छ अरे ! काम पनि सजिलो छ रे ! पैसा नि राम्रै कमाई हुन्छ भन्या’ छन् । मेरो कुनै चिन्ता नलिनू ! आफ्नो ख्याल गर्नू ! धेरै दुःख नगर्नू ! म चिठी पठाइरहन्छु ।”

बाबुले भने, “हुन्छ बाबू, राम्रोसँग जानू ! आफ्नो ख्याल गर्नू !”
आमाले भनिन्, “कहिल्यै भोको नबस्नू, बेलैमा खानू, जीउको ख्याल गर्नू, चिठी पठाइरहनू ।”
आँखाभरि आँसु पार्दै बूढाबूढीले छोराको बिदाइ गरे ।

उसलाई दलालीले ठग्यो । गोथे कठिन काम र थोरै ज्याला पाउने विकट ठाउँमा पर्यो । घरमा चिठी पठाउने उपाय नै भएन । चार वर्षपछि बल्ल गोथे घर फिर्न पायो ।
उसले आमाका लागि रातो साडी र बाबुका लागि कोट किन्यो । अत्यासलाग्दो मरूभूमिबाट बाआमाको न्यानो माया सम्झिँदै घर फर्कियो ।

आँगनको डिलमा पुगेपछि गोथेले खुसी हुँदै बोलायो, “बाआमा ! म आइपुगेँ !”
“मेरो बाबू ! तिमी आयौ ?” भित्रबाट आमा बाहिर निस्किइन् ।
गोथे आमालाई देखेर डाँको छाडेर रून थाल्यो ।
उसले ल्याएको रातो साडी आमाका लागि काम नलाग्ने भइसकेको रहेछ ।।
(लघुकथा सङ्ग्रह `बिन्दुमा सिन्धु’बाट)

Facebook Comments
  • 283
    Shares

You may be interested

पिपल्स एसोसियसन अफ पुनर्वास (PAP) द्वारा मृगौला पीडितका लागि आर्थिक सहयोग संकलन
स्वास्थ्य
0 shares6 views
स्वास्थ्य
0 shares6 views

पिपल्स एसोसियसन अफ पुनर्वास (PAP) द्वारा मृगौला पीडितका लागि आर्थिक सहयोग संकलन

विशाल पाण्डेय - २०७५, ४ भाद्र १७:४८

हेमन्त न्यौपाने / पुनर्वास, कञ्चनपुर । राजधानी काठमाडौँमा रहि पुनर्वास र पुनर्वासीहरुको प्रतिनिधि मुलक संस्था पिपल्स एसोसियसन अफ पुनर्वासले एकपुनर्वासी…

विश्वकै धेरै कमाइ गर्ने क्रिकेटरमा भारतीय खेलाडीहरुको बर्चस्व
खेलकुद
0 shares17 views
खेलकुद
0 shares17 views

विश्वकै धेरै कमाइ गर्ने क्रिकेटरमा भारतीय खेलाडीहरुको बर्चस्व

himal post - २०७५, ४ भाद्र १२:२९

विश्वभर क्रिकेटको क्रेज बढी नै रहेको छ । अब क्रिकेटलाई पनि सबैभन्दा धेरै दर्शकले मनपराउने तथा हेर्ने खेलको रुपमा विकास…

पूर्व राजदुत मृत फेला, हत्या कि मृत्यु ?
समाचार
0 shares16 views
समाचार
0 shares16 views

पूर्व राजदुत मृत फेला, हत्या कि मृत्यु ?

himal post - २०७५, ४ भाद्र १२:१६

काठमाडौं । पूर्व राजदुत केशवराज झा आफ्नै निवासमा मृत भेटिएका छन् । फ्रान्सको लागि नेपालका राजदुत रहिसकेका झा आफ्नो निवासमा…