काठमाडौं महानगरभित्र जग्गाको नयाँ मूल्य, ४ लाख आनादेखि सुरू (सुचीसहित)
काठमाडौं- काठमाडौं महानगरपालिकाभित्र जग्गा किन्ने सोँचमा हुनेहरूकालागि नयाँ मूल्य कायम भएको छ । काठमाडौं महानगरपालिकाले महानगरपालिकाभित्र पर्ने जग्गाको नयाँ मूल्य तोकेको छ ।
महानगरले आगामी आर्थिक वर्षको बजेट तथा विनियोजन विधेयक २०७७ सार्वजनिक गर्दै सम्पत्ति कर प्रयोजनका लागि प्रतिआनाका दरले जग्गाको नयाँ मूल्य तोकेको हो ।
महानगरको प्रस्तावित आर्थिक ऐनमा काठमाडौं महानगर क्षेत्रभित्र जग्गाको प्रतिआना न्यूनतम ४ लाख रुपैयाँदेखि अधिकतम ५० लाख रुपैयाँसम्म तोकिएको छ ।
केशरमहल प्रवेशद्वारदेखि पश्चिम ठमेल मूलचोक हुँदै क्षेत्रपार्टी चोकसम्मको मूलबाटोमा जोडिएका जग्गाहरू, हनुमानढोका, जिल्ला प्रहरी कार्यालयपूर्व सूरज आर्केड, इन्द्रचोक, असन हुँदै भोटाहिटी चोकसम्म, असन चोकदेखि जमल राष्ट्रिय नाचघरसम्म र सोदेखि पुर्व विश्वज्योति हल हुँदै तीनधारा पाठशालासम्म मूलबाटोसँग जोडिएका, महेन्द्रसालिकदेखि काठमाडौं प्लाजासम्म मूलसडकसंग जोडिएका दायाँबायाँका जग्गाको मूल्य प्रतिआना ५० लाख छ।
यस्तो मूल्य जग्गा रहेको ठाउँ र जग्गाले छोएको बाटोको चौडाईका आधारमा तय गरिएको हो ।
कुन ठाउँको जग्गाको मूल्य कति ?