काठमाडौंमा ठुलो विस्फोट: एक जना घाइते
काठमाडौं- काठमाडौंको कागेश्वरी मनोहरामा ठुलो विस्फोट भएको छ । कागेश्वरी मनोहरा–९, महाङ्टारस्थित एक घरमा विष्फोट भएको बताइएको छ ।
ग्यास सिलिण्डर विष्फोट भएर घटना भएको हुनसक्ने महानगरीय प्रहरी परिसर, काठमाडौंका एसएसपी श्यामलाल ज्ञवालीले जनाएका छन् ।
प्रहरीका अनुसार घटनामा स्थानीय ४८ वर्षीया मिरा जोशी घाइते छिन् ।
प्रहरीले थप अनुसन्धान हुँदै गरेको बताएको छ ।