किवानिज क्लब अफ काठमाडौँ हेरिटेजद्वारा बालबालिकाहरुलाई न्यानो लुगा वितरण
काठमाडौँ । किवानिज क्लब अफ काठमाडौँ हेरिटेजद्वारा बिद्यालयका बालबालिकाहरुलाई शुक्रबार न्यानो कपडा वितरण गरिएको छ ।
तार्केस्वर नगरपालिका – ८ डांडा गाउँ स्थित महादेवस्थान आधारभूत बिद्यालयका सम्पूर्ण ६० जना बिद्यार्थीहरुका लागि क्लबले ट्रयाकसुट तथा उनि टोपी वितरण गरेको हो ।
जाडो याममा चिसोको कारण बिद्यालयमामा बिद्यार्थीहरुको न्युन उपस्थिति हुने समस्याको समाधानका लागि क्लबले सो कार्य गरेको हो । क्लबले त्यस बाहेक २ थान इमर्जेन्सी फस्ट एड बक्स (स्वास्थ्य सामग्री) पनि बिद्यालयलाइ प्रदान गरेको थियो ।
यस अघि पनि क्लबले सोहि बिद्यालयमा बिद्यार्थीहरुका लागि शैक्षिक सामाग्री वितरण गरेको कुरा क्लबका अध्यक्ष राज कुमार श्रेष्ठले बताए । यि सम्पूर्ण कामको खर्च कुनै अरु संथा तथा ब्यक्तिहरु बाट संकलन नगरी क्लबकै सदस्यहरु बाट जुटाइएको कुरा पनि सोहि अवसरमा उनले जानकारी गराए ।
यस अघि क्लबले आफ्नो सदस्यहरुमा प्रमाणपत्र वितरण तथा अभिमुखीकारण कार्यक्रमको सम्पन्न गरेको थियो ।