खतिवडाले भने : ओलीको घर कुर्ने चौकीदारलाई ‘जयनेपाल’को अर्थ के थाहा, बिचरा

काठमाडौँ – नेपाली काँग्रेसका नेता रामहरि खतिवडाले सरकारका प्रवक्ता एवम् सूचना तथा सञ्चार प्रविधि मन्त्री गोकुल बास्कोटालाई ओलीका घर कुरुवा चौकीदार भएको आरोप लगाएका छन् ।

सूचना तथा सञ्चार प्रविधि मन्त्री गोकुल बास्कोटाले जय नेपालबारे बिबादास्पद अभिव्यक्ति दिएपछि खतिवडाले यस्तो बताएका हुन । उनले एक मिडियासँग यस्तो आरोप लगाएको तथ्य बाहिरिएको छ ।

खतिवडाले भनेकाछन् बास्कोटा प्रधानमन्त्री केपी ओलीको घर संरक्षण गर्न राखिएका चौकीदार मात्र हुन् उनलाई त्यो भन्दा माथिको दर्जा सुहाउँदा पनि सुहाउँदैन, र एक जना घर कुर्न बसेको चौकीदारलाई जयनेपालको अर्थ र महत्त्व कसरी थाहा होस् ?

उनले अगाडी भनेका छन् ‘बास्कोटाजी प्रधानमन्त्री ओलीको घर कुर्न बसेको व्यक्तिको क्षमता त्यति मात्रै हो । अरू सोँच्न त बुद्धि र क्षमता पनि हुनुपर्छ’, उनले भनेका छन्, ‘चौकीदारको बुद्धि पलाओस् यही शुभकामना छ । होइन भने त्यसको सजाय उहाँले भोग्नुपर्छ ।’