प्रदेश ५ स्तरीय क्रिकेटको उपाधि आयोजक शिव शक्तिलाई ।
कमल बिस्ट
शिवराज नगरपालिका कपिलवस्तुको शिवपुर खेल मैदानमा सम्पन्न प्रदेश ५ स्तरीय क्रिकेट प्रतियोगिताको उपाधि आयोजक शिवशक्ती युवा क्लब शिवपुरले हात पारेको छ । मङ्गलवार सम्पन्न फाइनल खेलमा ॐ नेपलीज माथि शिवशक्तिले ८ विकेटको शानदार जित दर्ता गर्दै उपाधिमा कब्जा जमाएको हो ।
निर्धारित २० ओभरको खेलमा टस जितेर ब्याटिङ रोजेको ॐ नेपालीजले १५ ओभरमा नै आफ्ना सबै विकेट गुमाउँदै जम्मा ७५ रन मात्र बनाउन सक्यो, उक्त रन जोड्ने क्रममा ॐ नेपालीजका प्रज्वल थापाले बिस्फोटक ब्याटिङ गर्दै ४० रन बनाएपनी अरू ब्याट्सम्यान नचल्दा हार टार्न सकेन । त्यस्तै झिनो लक्ष्य सहित जवाफी ब्याटिङ्गमा उत्रेको शिवशक्तीले १३ ओभरमै आफ्नो ८ विकेट गुमाउँदै जित हात पार्न सफल भयो, शिवशक्तिको जितमा उत्कृष्ट ब्याटिङ गर्दै ४० रन प्रहार गरी ४ विकेट समेत लिएका सन्जु बोहरा म्यान अफ दि म्याच घोषित भए ।
त्यस्तै प्रतियोगिताभर सबैभन्दा बढी छक्का प्रहार गरेका ॐ नेपालीजका सागर खत्री बेस्ट ब्याट्सम्यान र सबैभन्दा बढी रन बनाएका अब्दुल नसिम म्यान अफ द सिरिज भए ।
प्रतियोगिताको विजेताले नगद ६० हजार र उपबिजेताले नगद ३० हजार सहित सिल्ड मेडल र प्रमाणपत्र समेत हात पारे ।
समापन कार्यक्रमको अध्यक्षता क्लबका अध्यक्ष जयवल्लव भट्टराई र प्रदेश ५ का सांसद अर्जुन केसीको प्रमुख आतिथ्यता र समाजसेवी समाजसेवी घनश्याम पौडेल लगायतको उपस्थितिमा भव्यताका साथ सप्पन्न भएको आयोजक क्लबका कप्तान अर्जुन पौडेलले जानकारी दिनुभएको छ ।
