कपनमा प्रेमी-प्रेमिका मृत भेटिए

काठमाडौँको कपनमा युवा–युवती मृत अवस्थामा भेटिएका छन् । लिभिङ टुगेदर बस्दै आएका संखुवासभा घर भएका २६ वर्षीय अमिश जिमी र खोटाङ घर भएकी युसिना राई मृत अवस्थामा भेटिएको महानगरीय अपराध महाशाखाले जनाएको हो ।

युवतीको शरीरमा चक्कु प्रहार भएको चोट देखिएको छ । यस्तै, केटाको घाँटीमा चक्कुले रेटेको चोट भएको प्रहरीले जनाएको छ । गएराति साढे १२ बजे घटनास्थलमा प्रहरी पुग्दा युवती नग्न अवस्थामा र युवक अर्धनग्न अवस्थामा भेटिएका थिए ।

प्रहरी पुग्दा युवकको ढुकढुकी भएपछि प्रहरीले चाबहिलस्थित हेल्पिङ ह्याण्ड अस्पताल लगेका थिए । अस्पताल पुगेलगत्तै उनको मृत्यु भएको प्रहरीले जनाएको छ ।

अमिशले प्रेमिकाको हत्या गरी घाँटी रेटेको हुनसक्ने प्रारम्भिक अनुसन्धानबाट खुलेको प्रहरीले जनाएको छ । उनीहरु पब्जीको लतमा फसेका थिए ।