कांग्रेस नेताले भने भाजपाले जितेमा पाँच वर्षसम्म कपाल पाल्दीन
काठमाडौं – उत्तर प्रदेशको अमरोहा लोकसभा सीटमा कांग्रेस पार्टीबाट उठेका सचिन चौधरीले आफ्नो संसदीय क्षेत्रमा भाजपाले जितेमा आगामी पाँच वर्षसम्म कपाल नपाल्ने बताएका छन् ।
उनले भाजपा उम्मेदवारविरुद्ध गम्भीर आरोप लगाए र भाजपाको समर्थनमा एक्जिट पोल देखाउने सबै च्यानललाई मोदीले किनेको बताए ।
भाजपाले २०० सीट पनि नकटाउने उनले बताए । भाजपा हताश भएका कारण एक्जिट पोल आफ्नो पक्षमा देखाउनका लागि सेटिङ गरेको बताए । एक्जिट पोलमार्फत साना दललाई आफूसँग जोड्ने भाजपाको दाउ रहेको उनले बताए ।
उनले भने, ‘अमरोहा सीटबाट भाजपा उम्मेदवार कँवर सिंह तँवर जिते भने म टाउको मुण्ड्याउँछु र पाँच वर्षसम्म कपालै पाल्दिनँ । एक्जिट पोल झूटो छ र हल्ला मात्र हो ।’
तर मतगणनाको आरम्भिक रुझानमा भाजपाले जित्ने नै लक्षण देखिएको छ ।
एजेन्सी