कञ्चनपुरमा ब्राउन सुगर सहित एकजना पक्राउ
पुर्नवास,कञ्चनपुर । कञ्चनपुरमा ब्राउन सुगर सहित एकजना पक्राउ परेका छन् ।
पुनर्वास नगरपालिका–११, डोकेबजारबाट एघार ग्राम ब्राउन सुगर र ६१ थान स्पासमो ट्याबलेट सहित आईतबार प्रहरीले एकजनालाई पक्राउ गरेको हो ।
पक्राउ पर्नेमा कैलालीको धनगढी उपमहानगरपालिका–२ का २८ वर्षीय राजेन्द्र जोशी रहेका छन् । पुनर्वासबाट धनगढीतर्फ मोबाइलको चार्जरमा ब्राउनसुगर र खल्तीमा ट्याबलेट लुकाएर लैजादै गर्दा विशेष सुराकीको आधारमा डोकेबजारबाट इलाका प्रहरी कार्यालय त्रिभुवनबस्तीको टोलिले पक्राउ गरेको हो ।
नेपाल–भारत खुल्ला सीमाका कारण पुनर्वासबाट पछिल्लो समय लागूऔषध ओसार–प्रसारको कारोबारी बढ्दै गएको छ ।