कञ्चन डेभलपमेन्ट बैंकद्बारा छात्रवृत्ति वितरण  

हिमाल पोस्ट 

सुखड, कैलाली । कञ्चन डेभलपमेन्ट बैंकले कैलालीको घोडाघोडी नगरपालिका- ४ सिमथडीमा रहेको जनज्योती आधारभुत विद्यालयकि एक छात्रालाई छात्रवृत्ति वितरण  गरेको छ ।

संस्थागत सामाजिक उत्तरदायित्व र वित्तिय साक्षरता कार्यक्रम अन्तर्गत कञ्चन डेभलबमेन्ट बैंकले कक्षा ७ मा अध्ययनरत कल्पना रोकायालाई नगद छात्रवृति प्रदान गरेको हो ।

कञ्चन डेभलबमेन्ट बैंकले गरिब तथा जेहेन्दार  विद्यार्थीहरुको पढाईमा सहयोग पुगोस भन्ने उद्देश्यले  रोकायालाई नगद छात्रवृति प्रदान गरेको हो ।

कञ्चन डेभलबमेन्ट बैंकले घोडाघोडी नगरपालिकाका विभिन्न विद्यालयमा अध्ययनरत गरिब तथा जेहेन्दार विद्यार्थीलाई छात्रवृति प्रदान गर्ने कार्यक्रम रहेको कञ्चन डेभलबमेन्ट बैंकका शाखा प्रबन्धक प्रेम भट्टराईले जानकारी दिनुुभयो ।

त्यस्तै छात्रवृत्ति वितरण कार्यक्रममा घोडाघोडी नपा वडा नं ४ का वडाध्यक्ष टेक बुढाले कल्पनालाई  कक्षा १० सम्म पढाउने जिम्मा लिनु भएको छ । कल्पनाको आर्थिक अवस्था एकदमै कमजोर रहेकाले उनलाइ कक्षा १० सम्म पढाउने जिम्मा लिएको वडाध्यक्ष बुढाले बताउनु भयो । कल्पनाका बुवा रोजगारीको सिलसिलामा भारतमा बस्दै आउनु भएको छ भने उनकि आमा मानसिक अस्वस्थ छिन ।