कैलालीमा हाइस र मोटरसाइकल ठोकिँदा दुई जना गम्भीर घाइते

विशाल पाण्डेय / सुखड,कैलाली ।
कैलालीको घोडाघोडी नगरपालिका -५ डोकेबजारमा आइतबार राती करिब ८:२० बजे मोरसाइकल र हाइस एकआपसमा ठोक्किदा मोटरसाइकलमा सवार दुई जना गम्भीर घाइते भएका छन् ।

पुर्वदेखि पश्चिम् तर्फ जाँदै गरेको बा २ ख ४०१४ नम्बरको हाइसले पश्चिम् देखि पुर्व तर्फ जाँदै गरेको से ५ प ७५५३ नं को मोटरसाइकललाई ठक्कर दिदा मोटरसाइकलमा सवार बौनियाका १९ वर्षिय राजन बुढा र बौनियाकै १९ वर्षिय उमेश ताम्राकार गम्भीर घाइते भएको ईलाका प्रहरी कार्यालय सुखडले जनाएको छ ।

घाइते दुई जनाको घोडाघोडी अस्पताल सुखडमा उपचार भइरहेको प्रहरीले जनाएको छ । घटना बारे थप अनुसन्धान भइरहेको र हाइस र मोटरसाइकल प्रहरीको नियन्त्रणमा रहेको छ ।