कैलालीमा टिप्परको ठक्करबाट एक बृद्धाको ज्यान गयो

अत्तरिया , कैलाली । कैलालीको गोदावरी नगरपालिकाको बडा नं १० मा पर्ने खमौरामा टिप्परको ठक्करबाट एक बृद्धाको ज्यान गएको छ । बुधबार दिउँसो खमौरा ओलानी सडकमा गुडिरहेको से १ ग ९७ नम्बरको टिप्परको टक्करबट स्थानीय पैदल यात्री ७० बर्षिया बृद्धा चन्द्रादेवी पार्कीको ज्यान गएको जिल्ला प्रहरी कार्यालय कैलालीले जनाएको छ ।

टिप्परको ठक्करबाट गम्भीर घाइते भएकि बृद्धालाई उपचारका लागी अत्तरिया स्थित पद्मा अस्पतालमा लगीएको थियो । पद्मा अस्पतालले उपचार गर्न नसकेपछि धनगढी स्थित सेती अञ्चल अस्पतालमा लगीएको थियो ।

उनको सेती अञ्चल अस्पतालमा उपचारकै क्रममा मृत्यु भएको जिल्ला प्रहरी कार्यालय कैलालीले बताएको छ । ठक्कर दिने टिप्पर र टिप्पर चालक जिल्ला प्रहरी कार्यालय कैलालीको नियन्त्रणमा जिल्ल प्रहरी कार्यालय कैलालीका प्रहरी प्रबक्ता बिर वाहादुर बुढामगरले जानकारी दिए ।