कैलालीमा श्रीमानले गरे आफ्नै श्रीमतीको हत्या

हिमाल पोस्ट / कैलाली । कैलालीको लम्कीचुहा नगरपालिका–९ प्रतापपुरमा श्रीमानले आफ्नै श्रीमतीको हत्या गरेका छ्न ।

लम्कीचुहा नगरपालिका–९ प्रतापपुरका ३५ वर्षीय इन्द्रबहादुर चौधरीले ३२ वर्षीय श्रीमती गरीबी चौधरीलाई धारिलो हतियार प्रयोग गरी हत्या गरेको ईलाका प्रहरी कार्यालय लम्किले जनाएको छ ।

मृतकका श्रीमानले बुधवार राती दुवै जनाले मदिरा सेवन गरेको र सामान्य विवाद हुँदा कुटपिट गर्दा मृत्यु भएको बयान दिएको ईलाका प्रहरी लम्कीले जनाएको छ । उक्त घटना बारे आफुहरुले बिहिवार बिहान मात्रै थाहा पाएको प्रहरीले जनाएको छ ।

मृतकको टाउको ,आखाको किनार लगायत शरीरका अन्य भागमा घाउ र चोट लागेको प्रहरीले जनाएको छ। हत्या गर्ने इन्द्र लाई इलाका प्रहरी कार्यालय लम्कीले नियन्त्रणमा लिएको छ भने शव लाई पोस्टमार्टमका लागि टिकापुर पठाइएको र घटना बारे थप अनुसन्धान गरिरहेको प्रहरीले जनाएको छ ।