लम्किचुहा -५ मा एक घरमा आगलागी, करिब  छ लाख बराबरको क्षति 

मंगल बास्कोटे
लम्की,कैैैलाली । कैलालीको लम्कीचुुुहा नगरपालिका वडा नं. ५ चौरीमा एक घरमा आगलागी भएको छ । चौरी खड्काटोलमा रहेको करन बि.कको घरमा आगलागी भएको हो ।

आज बिहान करिब साडे ९ बजे तिर खाना पकाउने क्रममा चुल्होबाट घरमा आगो सल्कीएको थियो। आगलागीबाट घर पुर्ण रुपमा जलेको छ भने घर भित्रका सम्पुर्ण समानहरु जल्नुका साथै २ लाख नेपाली र १६ हजार भारु गरि २लाख २६ हजार नगद रुपैया पनि पनि जलेर खरानी भएका छन । आगलागीमा १ तोला सुन,घर निर्माणको लागी राखीएको ३० बोरा सिमेन्ट,२ कुईन्टल चालम,दुई वटा मोवाईल लगाएतका सरसामान जलेर खरानी भएका छन ।

भुईघर खरले छाएको हुदा आगोले एकाएक बेग लिदा नियन्त्रण गर्न गारो भएका करनका भाई रतन बि.कले बताउनु भएको छ । आगो स्थानियको सहयोगमा नियन्त्रणमा आएकोे थियो ।  “घर बनाउको लागी भारतमा मजदुरी गरेर बर्ष भरी कमाएर ल्याएको पैसा जलेर खरानी भयो । अव के गर्ने होला । आर्थिक अवस्था कमजार भएको मान्छे यति धेरै पैसा कसरी कमाउने भन्ने चिन्ताले पिरोलेको छ करन  बि.कले बताउनु भयो ।

आगलागीमा नगद र सरसमान गरेर करिब ६ लाख बराबरको क्षति भएको ईलाका प्रहरी कार्यालय लम्कीले जानकरी दिएको छ ।