कैलालीको धनगढीमा सेनाको डिस्पोजल टोलिद्बारा बम डिस्पोज

धनगढी,कैलाली । कैलालीको जिल्ला शिक्षा कार्यालय  नजिकै राखिएको बमलाई सेनाको डिस्पोजल टोलीले  डिस्पोज गरेको छ ।

बिहीबार विहान करिब ६ बजेतिर उक्त बम देखेपछि स्थानीयले प्रहरीलाई खबर गरेका थिए । प्रहरीले थाहा पाए लगत्तै बम भएको स्थानमा पुगेर सुरक्षा दिएपछि प्रहरीले बोराडाडीस्थित सेनाको बम डिस्पोजल टोलीलाई खबर गरेको थियो । खबर पाउना साथ सेनाको टोलीले त्यहाँ  पुगि बम  डिस्पोज पारेको हो । बम कसले के उद्देश्यले राखेको हो भन्नेबारे अनुसन्धान भइरहेको जिल्ला प्रहरी कार्यालय कैलालीका प्रमुख प्रहरी उपरीक्षक विनोद घिमिरेले जानकारी दिनुभयो ।

बिहानै उक्त बम देखेपछि स्थानीयहरु त्रसित भएका छन् ।