कैलालीमा दुर्घटना : १९ वर्षिय राजन बुढाको मृत्यु

सुखड,कैलाली । कैलालीको घोडाघोडी नगरपालिका -५ डोकेबजारमा मोटरसाइकल र हाइस एकआपसमा ठोक्किदा एक जनाको मृत्यु भएको छ ।

आइतबार राती करिब ८:२० बजे पुर्वदेखि पश्चिम् तर्फ जाँदै गरेको बा २ ख ४०१४ नम्बरको हाइसले पश्चिम् देखि पुर्व तर्फ जाँदै गरेको से ५ प ७५५३ नं को मोटरसाइकललाई ठक्कर दिदा मोटरसाइकलमा सवार बौनियाका १९ वर्षिय राजन बुढाको मृत्यु भएको ईलाका प्रहरी कार्यालय सुखडका प्रमुख यक्ष राज जोशीले जानकारी दिनुभयो ।

दुर्घटनामा परि घाइते भएका बुढाको घोडाघोडी अस्पताल सुखडमा उपचार गर्ने क्रममा मृत्यु भएको ईलाका प्रहरी कार्यालय सुखडका प्रमुख जोशिले बताउनु भयो ।

त्यस्तै मोटरसाइकलमा सवार अर्का घाइते बौनियाकै १९ वर्षिय उमेश ताम्राकारको उपचार भइरहेको प्रहरीले जनाएको छ । घटना बारे थप अनुसन्धान भइरहेको बताउदै प्रहरीले हाइस र मोटरसाइकल आफुहरुको नियन्त्रणमा रहेको जानकारी दिएको छ । फाइल तस्बिर :