कोरोनाबाट केन्द्रीय कारागारका पाँच जना कैदीको मृत्यु
काठमाडौं- कोरोना संक्रमणले नेपालमा खतराको घन्टी बजाउन सुरू गरेको छ । संक्रमणकै कारण सुन्धारास्थित केन्द्रीय कारागारका पाँच कैदीको मृत्यु भएको छ।
मृत्यु भएकाहरु सबैजना दृघ रोगी रहेको कारागारले जनाएको छ। हालसम्म कारागारका ६५ जना कैदीबन्दीमा संक्रमण देखिएको छ।
केन्द्रीय कारागारमा हाल ३ हजार २ सय ५७ जना कैदीबन्दी रहेका छन्। जसमध्ये २ सय २० जनाको मात्र परीक्षण गरिएकोमा ६५ जनामा संक्रमण पुष्टि भएको हो।
यसअघि केन्द्रीय कारागारका सुरक्षामा खटिएका ६० जना प्रहरीमा पनि संक्रमण देखिएको थियो।