कैदीबीच झडप, छ कैदीको मृत्यु
एजेन्सी
लापाज, बोलिभियाको एक कारागारमा कैदीहरुबीच बुधबार भएको झडपमा छ व्यक्तिको मृत्यु हुनुका साथै अन्य २० जना घाइते भएका छन् ।
अधिकारीहरुले बुधबार जानकारी दिएअनुसार बोलिभियाको पूर्वी सहरमा सान्ता क्रुजमा रहेको पल्मासोला जेलमा सो झडप भएको थियो ।
सो जेलमा निरीक्षणगरी लागूऔषध, हातहतियार र मदिरालगायतको प्रयोगमा कडा प्रतिबन्ध गरिएको उपगृहमन्त्री जोसे लुइस क्युइरोगाले जानकारी दिनुभएको छ ।
यस घटनामा परी छ प्रहरी अधिकारी र १८ जना कैदी घाइते भएका प्रहरी प्रमुखले जानकारी दिएका छन् ।