जेष्ठ नागरिकहरूलाई एक कार्यक्रमका बिच सम्मान

श्री धर चौधरी

पहलमानपुर,कैलाली । कैलालीको घोडाघोडी नगरपालिको वडा नं. १० मा ८०बर्ष भन्दा माथिका जेष्ठ नागरिकहरुलाई आज एक कार्यक्रमका बिच सम्मान गरिएको छ।

घोडाघोडी नगरपालिका वडा नं १० पहलमानपुरको आयोजनामा भएको उक्त सम्मान कार्यक्रममा उपस्थित जेष्ठ नागरिकहरुलाई जुस तथा फलफुल खुवाएर तुल्सिपुर सामुदायिक वनका अध्यक्ष पुष्कल बम, सेक्टर वन पहलमानपुर अधिक्रृत भीम प्रसाद कडेल, वडा नं १० का वडा सदस्य राम प्रसाद भण्डरी, भुमिराज जोशी, ईन्दु चौधरी, हसिना बि क ले द्वसल्ला ओढाएर सम्मान गरिएको थियो। त्यस्तै कर्यक्रममा उपस्थित सम्पुर्ण जेष्ठ नागरिकहरुलाई छाता टर्च लाइट समेत वितरण गरिएको छ।

प्रमुख अतिथिका आसनबाट बोल्दै घोडाघोडी नगरपालिकाको उप(मेयर प्रेम कुमारी थापाले जेष्ठ नागरिकहरुको सहयोग सम्मानमा आफु सदा तत्पर रहेको बताउनु भएको छ। त्यस्तै आफुहरूलाई आज सम्म कहिल्यै नगरिएको सम्मान पाउककदा कार्यक्रममा सहभागी जेष्ठ नागरिकहरुले हर्ष समेत व्यक्त गरेका छन्।

घोडाघोडी नगरपालिका वडा नं १० का वडा अध्यक्षको सभापतित्वमा भएको कार्यक्रममा सदस्य भुमिराज जोशीले स्वगत मनतव्य राख्नु भएको थियो भने कार्यक्रमको सञ्चालन वडा नं १०, ११, १२ को सचिव धनि राम चौधरीले गर्नु भएको थियो।