मौसमका कारण देशभरका जहाज भैरहवामा आपतकालिन अवतरण
भैरहवा : देशभरबाट उडेका जहाज आज भैरहवामा आपतकालीन अवतरण गरिएको छ । बुधबार दिउसो विभिन्न स्थानबाट काठमाडौंका लागि उडान भरेका जहाजहरु भैरहवास्थित गौतम बुद्ध विमानस्थलमा अवतरण भएका गरिएको थियो ।
काठमाडौंको मौसममा एकाएक खराबी आएका कारण ती जहाज भैरहवामा आपतकालिन अवतरण गरिएको बताइएको छ । काठमाडाैंमा बुधबार दिउसो अचानक भारी वर्षा भएकाे छ ।
काठमाडौंका लागि भैरहवा विमानस्थलबाट उडान भरेका दुई वटा, भद्रपुर विमानस्थलबाट उडेका दुई, र जनकपुरबाट एउटा गर पाँचवटा जहाज भैरहवा विमानस्थलमा अवतरण भएको प्रहरीले जनाएको छ ।
भैरहवा विमानस्थलका प्रमुखले भने विमानको आपतकालिन अवतरणबारे सूचना दिन मानेनन् । विमानको आपतकालिन अवतरणपछि यात्रुहरु विमानस्थल क्षेत्रमा यत्रतत्र छरिएर बसेका छन् । विमानस्थलले यात्रु व्यवस्थापन गर्न नसकेको यात्रुहरुको गुनासो छ । फाइल तस्बिर