आइपिएल: मुम्बई र कलकत्ताबिचको खेल रोमाञ्चक बन्दै
इन्डियन प्रिमियर लिग आइपिएल अन्तर्गत ४१औं खेलमा आज कलकत्ता नाइट राइडर्स र मुम्बईको रोचक भिडन्त हुँदैछ । सुरुवातमा ब्याटिंग गरेको मुम्बईले कलकत्तालाई २११ रनको लक्ष्य प्रस्तुत गरेको छ ।
इडन गार्डेन क्रिकेट मैदानमा भइरहेको खेलमा चौथो र पाँचौँ स्थानमा रहेका क्रमशः: कलकत्ता र मुम्बईबीच खेल भइरहेको छ । दुबै टिम सशक्त रूपमा प्रस्तुत भएका छन् ।
सुरुवातमा सामान्य खेल खेलिरहेको मुम्बईले बिचबाट राम्रो प्रदर्शन देखाएको छ । इसान किशनले २१ बलमा ६२ रन बनाएर खेललाई रोमाञ्चक मोडमा पुर्याएका छन् ।