दिल्लीलाई मध्यम लक्ष्य – हैदराबादले जित्ला त ?
एजेन्सी । ईन्डियन प्रिमियर लिग क्रिकेट (आइपीएल) मा दोस्रो क्वालिफायर खेल्न सनराइजर्स हैदराबादले दिल्ली क्यापिटल्स सामु १६३ रनकाे मध्यम लक्ष्य प्रस्तुत गरेको छ ।
दिल्लीले टस जितेर फिल्डिङ रोजेपछि ब्याटिङमा उत्रिएको हैदराबादले निर्धारित ओभरमा ८ विकेट गुमाएर १ सय ६२ रन बनायो ।
मार्टिन गुप्टिलले बनाएको ३६ रन टोलीको सर्वाधिक स्कोर रह्यो । मनिष पाण्डेले ३० र कप्तान केन विलियम्सले २८ रन बनाए । विजय शंकरको नाममा २५ रन रह्यो ।
दिल्लीका किमाे पाउलले सर्वाधिक ३ विकेट लिए । इशान्त शर्माको नाममा २ विकेट रह्यो ।
दिल्ली क्यापिटल्सले नेपाली लेग स्पिनर सन्दीप लामिछानेलाई फेरी पनि बेन्चमा राख्याे ।
पछिल्ला खेलमा प्लेईङ सेट बाहिर राख्दै आएको दिल्लीले बुधबारकाे निकै महत्वपुर्ण मानिएको खेलमा समेत सन्दीपलाई बेन्चमा राख्याे ।
धेरै रन दिनुका साथै विकेट समेत निकाल्न नसकेपछि सन्दीप बेन्चमा रहँदै आएका छन् ।
दिल्लीले ईलिमिनेटर राउण्डमा सन्दीपलाई लिएर जोखिम मोल्न चाहेन ।
आजको खेलको विजेताले फाईनल प्रवेशका लागि चेन्नेई सुपर किंग्ससंग प्रतिस्पर्धा गर्नेछ । पराजित टिम प्रतियोगिताबाट बाहिरिनेछ ।
पहिलो क्वालिफायर खेलमा जित निकाल्दै मुम्बई ईन्डियन्स प्रतियोगिताको फाईनल प्रवेश गरिसकेको छ ।