इन्द्रेणी क्लबको रक्तदान कार्यक्रम सम्पन्न,४५ जनाले रक्तदान गरे
ओम प्रकाश बानियाँ
बराह नगरपालिकामा स्थापित संस्था इन्द्रेणी क्लबले २०७४ माघ १५ गते सोमबारका दिन रक्तदान कार्यक्रम सम्प्पन्न गरेको छ ।
महान् सहिदहरूको सम्झनामा आयोजना गरिएको उक्त बृहत् रक्तदान कार्यक्रम बराह नगरपालिकाको ३,४,५ को संयुक्त वडा कार्यालयको अगाडि सञ्चालन भएको थियो । बिहान् ८ बजे देखि सञ्चालन भएको उक्त बृहत् रक्तदान कार्यकममा बराह नगरपालिकाका सम्पूर्ण वासीहरू उत्साहका साथ सहभागी भएका थिए ।
उक्त रक्तदान कार्यक्रममा ४५ जना रक्त दाताहरूले रगत दिई सहयोग गरेको कुरा क्लबका अध्यक्ष कृष्ण ढकालले बताउनु भयो । ढकालले अन्त्यमा बोल्नु हुँदै सबैलाई धन्यवाद र आगामी दिनमा समेत यस्तै सहयोगको अपेक्षा रहेको बताउनु भयो ।
इन्द्रेणी क्लबले बर्सेनि रक्तदान कार्यक्रम सञ्चालन गर्दै आएको छ । क्लबले यो १५ औँ रक्तदान कार्यक्रम सम्पन्न गरेको हो ।