६ थान हतियार प्रहरीको नियन्त्रणमा

काठमाडौँ । मकवानपुरको हेटौंडा स्थायी घर भएर ललितपुरको भनिमण्डल बस्दै आएका ‘मिटरब्याजी’ महेश बहादुर सिंहको साथमा रहेका ६ थान हतियार प्रहरीले नियन्त्रणमा लिएको छ ।

चर्को मूल्यमा पैसा ब्याजमा लगाउँदै आएका सिंहले हतियारको लाइसेन्स लिएर सुरक्षा प्रयोजनको लागी हतियार राखेको भनेतापनि उक्त हतियारको साहयताले समाजमा त्रास उत्पन्न गराउन र अवैध काममा प्रयोग हुन थालेको सुचना आएपछी ईजाजत पत्र रद्ध गरेर हतियार बरामद गरिएको महानगरीय अपराध महाशाखाका प्रमुख (एसएसपी) धिरज प्रताप सिंहले जानकारी दिएका छन् ।

उनको साथबाट ‘बाह्र बोर सटगन’, ४ थान ‘बाईस बोर राईफल’ र एकथान ‘१२ बोर सटगन’ तथा १३६ राउण्ड गोली बरामद गरिएको छ ।

फाइल तस्विर