गुल्मीको विभिन्न रमणीय ठाउँमा छायाङ्कन गरिएको पञ्चेबाजा गीत बजारमा (भिडियो सहित)

मङ्सिर महिना लागे सँगै गुल्मेली कलाकारहरुकाे गुल्मीकै विभिन्न रमणीय ठाउँहरूमा छायाङ्कन गरिएको पञ्चेबाजा गीत बजारमा आएको छ । गुल्मी अर्जैका युवा पुष्कर पराजुलीको बिहेलाई प्रत्यक्ष रूपमा खिचिएको दृश्यले गीतलाई निकै आकर्षक बनेको छ ।

पञ्चेबाजा गीत पुष्पा पाण्डे पोखरेलको शब्द, जीवन गिरीको लय अनि देवी घर्ती, स्मृति शाही, किसान चन्द्र गौतम र जीवन गिरीको आवाजमा सजिएको छ ।गीतको दृश्य गुल्मी र काठमाडौँका आकर्षक ठाउँहरूमा बनाइएका छन् ।

नेपाली हास्य क्षेत्रमा लामो समयदेखि आफ्नो बेग्लै पहिचान बनाएका हास्य कलाकार यादव देवकोटा सरापे र मोडल बविता श्रेष्ठको अभिनयले पनि गीत झनै राम्रो बनेको छ ।

हमाल म्युजिकको आधिकारिक युट्युब च्यानल मार्फत बजारमा आएको गतिको भिडियोमा निर्देशन कुमार केसी, सम्पादन सुजन शाही र छायाङ्कन महेश महराको रहेको छ ।