गृहमन्त्री थापाको पहलमा गम्भीर अवस्थामा रहेका बिरामीको हेलिहप्टरबाट उद्धार

काठमाडौं। गृहमन्त्री रामबहादुर थापा ‘बादल’को पहलमा भिरबाट लडेर गम्भीर अवस्थामा रहेका एक बिरामीको हेलिहप्टरबाट उद्धार गरिएको छ।

हुम्ला जिल्लाको चंखेली ६ का अजयवीर बुढाकी ६ वर्षीया छोरी नम्रता बुढाको गृहमन्त्रीको पहलमा पठाइएको हेलिकप्टरमार्फत उद्धार गरिएको हो।

मंगलबार भिरबाट लडेर नम्रता घाइते भएकी थिइन्। उनको अवस्था गम्भीर थियो । तर जिल्लामा उपचार सम्भव भएन । गृहमन्त्री थापाले यसबारेमा जानकारी पाए लगत्तै बुधबार नै नम्रतालाई सेनाको हेलिकप्टरबाट नेपालगञ्ज ल्याइएको थियो । अ

अहिले विरामी नम्रताको नेपालगञ्जमा रहेको भेरी अञ्चल अस्पतालमा उपचार भइरहेको गृह मन्त्रालयद्वारा जारी विज्ञप्तीमा उल्लेख छ।