गोरखामा भूकम्प, नुवाकोटसम्म हल्लियो

काठमाडौं । पूर्वी गोखरा र आसपासका जिल्लामा भूकम्पको धक्का महशुस गरिएको छ । गएराति मध्यरातमा भूकम्पको धक्का गएको हो ।

मध्यरातमा गएको भूकम्पले मानिसहरू त्रसित बनेका थिए । भूकम्पको धक्का गोरखा, धादिङ, रसुवा र नुवाकोटसम्मका नागरिकले महशुस गरेका थिए । सुतिरहेको समयमा भूकम्प गएसँगै त्राशको वातावरण बनेको थियो ।

राष्ट्रिय भूकम्प मापन केन्द्रका अनुसार उत्तर पूर्वी गोरखाको मानबु केन्द्रविन्दू बनाएर ४.३ म्याग्निच्युडको भूकम्प गएको हो ।

२०७२ बैशाख १२ मा गोरखा नै केन्द्र बनाएर गएको ७.८ म्याग्निच्युडको भूकम्पयता हजारौंपल्ट भूकम्प र पराकम्पहरु गइरहेको छ ।